Mohabbat !!!!

Mohabbat aag hai to phir

meri rug rug main bharki hai

meri ankhiin hain ek shoula,meri saansien hain ek agan

a'laoo teri yaadoon ka mere dil mainn kahien roshan;

mujhi abh fiker hai koi na koi gharz hai iss se

ke teri yaad mein shab bhar

wafa ka naam lay lay kar

kahien hum khud hi jaltay hain ya k deep jaltay hain!!!

 

 

Mohabbat yaad hai to phir

mere dil mien hai yun raksaaN

ke hum ko fiker hai koi, na hi hosh hai baki

faqt ek yaad hai baki

jo dil ki baanjh dharti per, ashkoon sang baras jaye

to phir barsat ki le mein

kahien ek phool khilta hai

hum us phool ki khushbu tumharay naam kartay hain

tumhari yaad mein aksar subah se shaam kartay hain!!

 

Mohabbat gar samandar hai

to phir__ meri wafaoon ke

sabhi ghohar o sadaf us ki, ghahrayi main bastay hain

k mere dil mein phala hai

ajab chahat ka ye sagar

haan jiski akhri hadd se

sabhi thahray se jazboon ko

yun humkinaar karna hai

mila kar ankh ka dariya__iss behr e kinaar ko

be_kinaar karna hai!!!

 

Mohabbat dasht hai koi

to phir__pairoon mein abh mere

nahi hai larzishien baki

mere pairoon se uljhay hain

jo ye rastay sab hi,

mujhi tere janoon o shouq mein

__ek safar la_haq hai

ke jis ke mor per akhir_ mujhi bhatak hi jana hai

aur yun hum ek tasalsul se

teri janib rawaN iss ek

musalsal hi safar ki bas

ghubaar o gard hi thahray

ke hum se khaaksaar to...

'sahra nord' hi thahray

 

 

Mohabbat gar koi khushbu

to phir...hum sir-khushi ke ek

numayaN dairay mien hain

ke jis k gird phili ye tere lams ki mahkaar

meri saanson mein shamil hai,

mere dil se nigahon tak

kaee aarasta rastay

teri hi simt atay hain

suhanay geet gaatay hain,

mujhi teri chahat mien

yun in ka sath hasil hai

ke mujh per ab nahi zahir

manzil hai meri "khushbu"

ke khusbu hi "manzil" hai!!!

 

*************************************

Mohabbat khwab hai koi

to phir khwabeeda ye ankhien

kaee neendon ke ek ghahray hisaar e sehr mien hain qaid

meri palkon pe hain bethay kaee hi an ginat sapnay

ke jin ki manzilon ke ab

ameen tumhi to ho thahray

humari khwab nagri ke

makeeN tumhi to ho thahray,

so iss ahd e Mohabbat mien

nahi abh dar koi la_haq

muqabil andhioon ke in

roshan sab charagon ki__ abh tabeer ho jesi!!

 

 

Mohabbat gar fasana hai

to phir... inkaar hai hum ko

ke meri ankh mein roshan,tumharay naam ke jugnu

mere dil mien darkhshaN sab tumhari yaad ke pehlu

meri sochon pe haavi wo tumhari qurb ki khushbu

mere jazboon ki sachayi, wafaoon ke rang o lahoo

koi farzi kahani hain

na hi afsana koi

mohabbat aieena sorat

ke jis mien sabat hu_ba_hu, ek aks e haqeeqat hai

Mohabbat to Mohabbat hai!

kabhi dasht o samandar hai kabhi aag ki sorat

kabhi yaadon ki khusbu kabhi khwab ki sorat

magar abh ras hai hum ko

mohabbat ke sabhi mousam, mohabbat ki hir ek sorat

ke sab mansoob hain tujh se

mohabbat ke haseen rastay

mohabbat ke sabhi dariya...

teri janib rawaaN hain...yun

ke chahat ke sabhi mousam

kisi ek khaas nuktay per___

khud mein gum hojayien

sarapa tum hojayien!!

Mohabbat tum hi thahray,

mohabbat gar tumhi thahray

to phir raahon mein haail in

bichraay sab hi barsoon ki

qasm hai mere jazboon ko

ke wo tajdeed kar daalien, faqt itna hi kah daalien

"ke kal bhi dast e ulfat ko ek matloob tum hi thay

abh bhi mere lafzoon se bas maqsood tum hi ho:

kal bhi tum se thi poori

meri be_hadd adhoori zaat

abh bhi mere jeewan ki

bas ek hi zaroorat hai

humhien iqraar tha kal bhi

humhien iqraar hai abh bhi

humhien tum se mohabbat thi

humhien tum se mohabbat hai!!!"