mujhay bus itna kehna hay,,,

jo uter k zina-e-shaam se teri chshm-e-khush main sama gaye
wo hi jaltay bujhtay chiraagh se meray baam o der ko saja gaye

yeh ajeeb khel hai ishq ka main ne aap dekha yeh mojza
jo lafz meray dil main they wo teri zabaan per aa gaye

jo geet tum ne suna nahi meri umr bhar ka riyaaz tha
meray darad ki thi wo daastaan jissay tum hansi main ura gaye

yeh jo bandagaan-e-niyaz hain yeh hain woh hi lashkari
jinhaen zindagi ne amaan naa di toh teray huzoor main aa gaye

wo chiraagh-e-jaan kabhi jis ki low naa kisi hawa se nigoon hui
teri bawafai k waswasay ussay chupkay chupkay bhuja gaye

meri umer se naa simat sakay meray paas itnay sawaal they
teray paas jitnay jawaab they teri ik nagaah main sama gaye
*******************
mujhay bus itna kehna hay,,,
kabhi main yaad aaaon to,,,

kabhi tanhai ki ratain,,
tumhain ziyada satain to.

kabhi titli na bolay to,
aur jugno lout jaye to,,

kabhi jub dil bhi bher jaye,
koi jub sun na paye to,,,

ager sub dost sathi bhi ,,
jo tum say roth jayen to,,

kabhi jub khud say ler ler ker
thakan say choor ho jao,,

kabhi chahtay howay khud bhi
mujhay awaaz day dena,,

aur phir merey tasawwur say
jo chaho batain keh dena,,

merey kandhay pay sir rakh ker,
tum jitna chaho ro laina,,

phir khud mian jub loutjao to,
us hi dunya main chalay jana,,

mager bus itna kehna hay,,
kay jub bhi dukh ya khushiyun main,,

hamian DIL say pukaro gay,
hamain tum paas pao gay..
***************************************